लामो समय रेडियोमा गुन्जियो त्यो आवाज । अहिले पनि चितवन र लुम्बिनीका ती खोंचहरु जहाँ रेडियोका तरंग पुग्छन् त्यहाँका श्रोताहरु त्यो नाम सुन्दासाथ त्यो परिचित आरजेको नाम कल्पन्छन् । रेडियो लुम्बिनी सिनर्जी एफएम हुँदै त्यो नाम यतिबेला नेपाली रजतपटमा स्थापित हुन संघर्षरत छ : सुरेश । अर्थात सुरेशदर्पण पोखरेल । वर्तमानमा यो नाम नेपाली सिनेमाको पर्याय बन्नेतिर अग्रसर छ । नेपाली सिनेमाको निर्देशकका रुपमा आशालाग्दो भविष्य बोकेको कर्मीका रुपमा उहाँलाई लिन सकिन्छ । जिन्दगानीको यो विन्दुसम्म आइपुग्दा सुरेशले पृष्ठभूमिका अनेकौं उतारचढाव बेहोर्नुपर् यो ।
Read the rest of this entry »
एउटा ठिटोको सिनेयात्रा
July 19th, 2010
फिल्म छाडेर राजनीति ?
July 18th, 2010नेपालमा पनि फिल्म छाडेर राजनीति ? नभए नजिर हेर्नुस : हलिउड अभिनेता आर्नोल्ड अभिनय छाडेर गभर्नर बने । बलिउड अभिनेता गोविन्दा र संजय दत्ता समाजवादी पार्टीका नेता नै बनेर चुनाव लडे ।
के यही सिको गर्न लाग्नुभएको हो ? ‘होइन, होइन’ मेरो सिनेमासँग निर्देशक सुरेशदर्पण पोखरेलले आफ्नो नीजि जीवको एउटा पाटो यसरी खुलासा गरे ‘उनीहरुको सिको त होइन तर म फिल्म छाडेर राजनीतिमा फर्कदैंछु ।’ यी युवा निर्देशकले आफू अबको दसवर्षभित्र असल राजनीतिज्ञ बन्ने रहस्योदघाटन गरेका छन् ।
‘अहिलेको राजनीतिलाई साइलेन्स ढंगले बुझिरहेको छु’ अविवाहित निर्देशकले भने ‘हेर्दै जानुस मेरो रुचि र लक्ष्य राजनीति गर्ने हो । म पुनः पोलटिक्स मै फर्कन्छु ।’ उनले आफ्नो करियर विद्यार्थी राजनीतिका रुपमा थालेको कमैलाई थाहा छ ।
भैरहवा कृषि क्याम्पसमा उनी दुई वर्ष स्ववियु सभापति नै बने । त्यहाँ उनले नेविसंघको राजनीति गरेका थिए । देशभरका स्ववियु सभापतिहरुको छाता संगठन स्ववियु परिषदका उनी केन्द्रिय सदस्य समेत बनेका थिए ।
अहिले उनी आफ्नो डि्रम प्रोजेक्ट ‘मिस यू’को काममा व्यस्त छन् । विद्यार्थी राजनीतिपछि ०५९ सालमा मिडियासँग सम्बन्ध बढाएका उनी पत्रकार बने । सप्ताहन्त बुद्धनगरस्थित आफ्नो नयाँ स्टुडियोमा भेटिएका उनले राजनीतिमा हामफाल्ने आफ्नो योजना रहेको स्पष्ट पारेका थिए ।
मेरो सिनेमा, २ साउन २०६७
नम्रता अब दिलिपकी हिरोइन
July 1st, 2010नायिका नम्रता श्रेष्ठ एउटा चलचित्रमा नायक दिलिप रायमाझीकी हिरोइन हुँदैछिन् । नायक रायमाझीले निर्माण गर्ने चलचित्र ‘मिस यु’मा नम्रतालाई साइन गरिएको छ ।
सुरेश दर्पण पोखरेलको निर्देशनमा अगस्त पहिलो साताबाट मलेसिया तथा सिंगापुरमा छायांकन गरिने चलचित्र ‘मिस यु’ नम्रताको तेश्रो चलचित्र हुने भएको छ ।
गत बर्ष चलचित्र ‘मेरो एउटा साथी छ’ पछि नम्रताले कुनै पनि चलचित्रमा अभिनय गरेकी छैनन् । अब यही बर्ष उनी लगातार दुईवटा चलचित्रका छायांकनमा व्यस्त हुने भएकी छिन् ।
‘मिस यु’ भन्दा पहिले उनी प्रभुशम्सेर राणाले निर्माण गर्ने चलचित्र ‘पर्पल डेज’का लागि अनुबन्ध भैसकेकी छिन् । उक्त चलचित्रको छायांकन सेप्टेम्बरमा हुने भएकाले त्योभन्दा पहिले दिलिपको चलचित्रमा अभिनय गर्न राजी भएको नम्रताले बताइन् ।
चलचित्र ‘मिस यु’मा आर्यन सिग्देल पनि नायक रहने बताइएपनि आर्यनको व्यस्तताका कारण अव सो भुमिकामा म्युजिक भिडियोका मोडल वरुण राणा रहने छन् । पेशाले आर्टिटेक्चर वरुण आगामी दिनहरुमा चलचित्रको अभिनयलाई निरन्तरता दिने बताउँछन् ।
नम्रता र वरुणले गायिका मल्लिका कार्कीको म्युजिक भिडियो ‘यति धेरै मान्छेहरुको भिंडमा..’ मा संगै काम गरिसकेका छन् ।
निर्देशक सुरेश दर्पणका अनुसार नम्रताकै लागि भनि चलचित्रको चरित्र लेखिएको थियो । उनैलाई अभिनय गराउन पाउने भएकोमा उनले खुशी व्यक्त गरेका छन् । चलचित्रमा पप गायक बाबु बोगटी संगीतकारका रुपमा डेब्यु गर्दैछन् ।
नायिका नम्रता श्रेष्ठ एउटा चलचित्रमा नायक दिलिप रायमाझीकी हिरोइन हुँदैछिन् । नायक रायमाझीले निर्माण गर्ने चलचित्र ‘मिस यु’मा नम्रतालाई साइन गरिएको छ ।
सुरेश दर्पण पोखरेलको निर्देशनमा अगस्त पहिलो साताबाट मलेसिया तथा सिंगापुरमा छायांकन गरिने चलचित्र ‘मिस यु’ नम्रताको तेश्रो चलचित्र हुने भएको छ ।
Namrata Shrestha in Miss U
गत बर्ष चलचित्र ‘मेरो एउटा साथी छ’ पछि नम्रताले कुनै पनि चलचित्रमा अभिनय गरेकी छैनन् । अब यही बर्ष उनी लगातार दुईवटा चलचित्रका छायांकनमा व्यस्त हुने भएकी छिन् ।
‘मिस यु’ भन्दा पहिले उनी प्रभुशम्सेर राणाले निर्माण गर्ने चलचित्र ‘पर्पल डेज’का लागि अनुबन्ध भैसकेकी छिन् । उक्त चलचित्रको छायांकन सेप्टेम्बरमा हुने भएकाले त्योभन्दा पहिले दिलिपको चलचित्रमा अभिनय गर्न राजी भएको नम्रताले बताइन् ।
चलचित्र ‘मिस यु’मा आर्यन सिग्देल पनि नायक रहने बताइएपनि आर्यनको व्यस्तताका कारण अव सो भुमिकामा म्युजिक भिडियोका मोडल वरुण राणा रहने छन् । पेशाले आर्टिटेक्चर वरुण आगामी दिनहरुमा चलचित्रको अभिनयलाई निरन्तरता दिने बताउँछन् ।
नम्रता र वरुणले गायिका मल्लिका कार्कीको म्युजिक भिडियो ‘यति धेरै मान्छेहरुको भिंडमा..’ मा संगै काम गरिसकेका छन् ।
निर्देशक सुरेश दर्पणका अनुसार नम्रताकै लागि भनि चलचित्रको चरित्र लेखिएको थियो । उनैलाई अभिनय गराउन पाउने भएकोमा उनले खुशी व्यक्त गरेका छन् । चलचित्रमा पप गायक बाबु बोगटी संगीतकारका रुपमा डेब्यु गर्दैछन् ।
तस्बिर का लागि कृपया यहाँ क्लिक गर्नुस
हिरोका निर्देशक
June 12th, 2010
सञ्चारकर्मी हुँदै फिल्म निर्देशक बनेका सुरेशदर्पण पोखरेलले एकपछि अर्काे हिरोका फिल्म निर्देशन गर्दै छन् । निखिल उप्रेतीले निर्माण गरेको निशाना फिल्मबाट निर्देशक बनेका सुरेशले अर्काे हिरो सुरज आरडीले निर्माणमा भूल भए माफ गर निर्देशन गरे । अहिले उनी अर्का नायक दिलीप रायमाझीले निर्माण गर्न लागेको नयाँ फिल्म मिस यु निर्देशन गर्दै छन् ।
अहिलेसम्म तीनवटा फिल्म निशाना, कसलाई दिउँ यो जोवन, भूल भए माफ गर निर्देशन गरिसकेका सुरेशका दुई फिल्म निशाना र कसलाई दिऊँ यो जोवन प्रदर्शन भइसकेका छन् भने भूल भए माफ गर प्रदर्शाेन्मुख छ । निशाना हिट भए पनि कसलाई दिउ यो जोवन भने असफल फिल्म मानिन्छ ।
एकपछि अर्काे गरी हिरोका फिल्म निर्देशन गर्नुलाई ‘संयोग’ भन्छन् उनी । भन्छन्, ‘यो सबै संयोग हो । हिरोकै फिल्म निर्देशन गर्छु भनेर लागेको होइन । गर्दै जाँदा हुँदै गयो ।’ उनको अनुभवमा नयाँ निर्मातासँग भन्दा हिरोका फिल्म निर्देशन गर्न सहज हुन्छ ।
कसरी त ? भन्छन्, ‘नयाँ निर्माता फिल्मी भाषा बुझ्दैनन् । वर्षादेखि फिल्ममा काम गरिरहेका नायकहरू अनुभवी हुन्छन् । उनीहरूले निर्देशकको काममा हस्तक्षेप गर्दैनन् ।’ नायक दिलीपले निर्माण गर्न लागेको मिस युको असार अन्तिम साताबाट सुटिङ सुरु हुँदै छ । फिल्मका केही दृश्य मलेसियामा समेत सुटिङ हुने बताइन्छ ।
Official Promo of Bhool Bhaye Maaph Gara
April 20th, 2010भुल भए माफ गर
April 20th, 2010Releasing on coming month.
KASLAI DIUN YO JOBAN
February 2nd, 2010KASLAI DIUN YO JOBAN is going to be released on Falgun 7, 2066.
For the moments watch the UPCOMING SUPERSTAR OF NEPALI MUSIC, Miss Prabisha Adhikari , performing her first released song MAYA MA from this movie KASLAI DIUN YO JOBAN on NTV NITE 15TH OF MAGH 2066.
लाग्यो सुरेशको निशाना
December 7th, 2009कास्की, २०६६ मंसिर २२ – यी २६ वर्षे पहिलो झलकमा स्थापित निर्देशक तुलसी घिमिरेका युवा संस्करण लाग्छन् भने त्यसको कारण छ । प्रायः हयाट लाउने र दाह्रीवाल देखिने सुरेशदर्पण पोखरेलको साइनो पनि सिनेमासँग छ ।
पहिलो निर्देशकीय प्रयास ‘निशाना’ ले नेपाली सिनेमाका धेरै फ्यानमाझ परिचित गराएको छ । दुई वर्षअघि बनेको उक्त सिनेमाले लामो समयपछि मात्रै हलहरूमा आउने साइत पायो ।
‘पाखुराका भरमा सिनेमा चलाउने प्रवृत्ति बढेको छ, नीतिनियम मान्दा यत्तिका समय कुर्नुपर्यो,’ ‘निशाना’ प्रदर्शन क्रममा हाल पोखरामा रहेका निर्देशकले भने, ‘ढिलो प्रदर्शन भए पनि पहिलो निर्देशनमा पाएको सफलताले ममा आँट थपेको छ ।’
‘निशाना’ काठमाडौंका तीनवटा हलमा ५१ दिन पूरा गरेर पनि अझै नियमित छ । मोफसलका सबै सहरमा हाउसफुलसाथ प्रदर्शन भइरहेको सुरेशको दाबी छ ।
‘४० लाखमा बनेको सिनेमाले छोटो समयमै ८० लाखभन्दा बढी उठाइसकेको छ,’ उनले सुनाए, ‘यसमा नयाँपन उतिसारो नभए पनि सिनेमा हेरुन्जेल दर्शकले पूर्ण मनोरञ्जन पाउँछन् ।’
यही सफलताले सुरेशलाई नेपाली सिनेमा प्रवृत्तिबारे मुख खोल्ने बनाएको छ । सिनेमाबारे कुरा गर्न थाल्यो कि उनी उपदेश पारामा केही सुनाउन तम्सिइहाल्छन् । ‘हलिउड र बलिउडसँग हाम्रा सिनेमाको तुलना गरेर हँुदैन । देशअनुसार सानो बजेटमा दर्शक तान्ने सिनेमा बनाउन सकिन्छ ।’
दर्शकले नेपाली सिनेमा एउटै ढर्रामा बनेको गुनासो गरिरहेका बेला पूर्ण मनोरञ्जनका लागि बनाएको भएकाले ‘निशाना’ सफल भएको उनको दाबी थियो ।
रेडियो र टिभीमा आठ वर्षसम्म सिने कार्यक्रम सञ्चालन गरेका सुरेशले फिल्म कलेजमा निर्देशनसम्बन्धी अध्ययन गरे । निखिल उप्रेतीकै निर्माण ‘सावधान’ र सिमोस सुनार निर्देशित ‘मिसन पैसा’ मा सहायक निर्देशक भई उनले अनुभव बटुल्ने काम गरे ।
यो अनुभवले निखिलकै ‘निशाना’ मा काम गरेर देखायो । यसको सफलतापछि उनलाई अन्य निर्माताले पत्याउन थालेका छन् । सुरज आरडीको ‘भूल भए माफ गर’ र केदार पराजुलीको ‘कसलाई दिउ“m यो जोबन’ सक्ने तरखरमा छन् उनी । पाँचवटा सिनेमा लाइनमा छन् ।
‘४० लाखमा बनेको सिनेमाले छोटो समयमै ८० लाखभन्दा बढी उठाइसकेको छ,’ उनले सुनाए, ‘यसमा नयाँपन उतिसारो नभए पनि सिनेमा हेरुन्जेल दर्शकले पूर्ण मनोरञ्जन पाउँछन् ।’
‘आफैँलाई पत्तो भएन,’ तीन वर्षका लागि प्याक भएको भन्दै उनी ठटयौलो बन्न खोजे, ‘ख्यालख्यालमै निर्देशक बनेंछु । नयाँ प्रयोग गरेर नेपाली सिनेमालाई दर्शकमुखी बनाउने कोसिस गर्नेछु ।’
यो कोसिसमा पनि उनलाई सफलता मिलोस् ।
साभार : इकान्तिपुर.कम
Nishana released outside Valley
November 16th, 2009After the grand success record inside the Kathmandu Valley, Nishana has been released outside the valley.
“The movie is doing well and break the past record on its opening day at Indradev Hall at Narayangarh”, said Suresh Darpan Pokharel, the director.
Actor/Producer Nikhil Uprety and Director Suresh Darpan were present in the first day release show at Narayangarh.
Source: www.ezine.com.np
निर्देशक समाजको चुनावमा सुरेशदर्पण पोखरेल सचिवमा बिजयी
October 28th, 2009
केपी पाठकको बिजयसँगै आजबाट निर्देशक समाजमा नयाँ कार्यसमिति चयन भएको छ । जसमा अध्यक्षमा केपी पाठक, उपाध्यक्ष पदमा ज्ञानेन्द्र देउजा र बिमल पौडेल, महासचिवमा उदय सुब्बा, सचिवमा सुरेशदर्पण पोखरेल, कोषाध्यक्ष पदमा दिनेश कार्की, सह-कोषाध्यक्षमा राकेश मानन्धर , र सदस्यमा शंकर घिमिरे,रामजी लामिछाने,प्रमोद भण्डारी,सुवास गजुरेल र देबी कुमार श्रेष्ठ निर्वाचित भएका छन् ।
दोस्रो पटक भएको चलचित्र निर्देशक समाजको चुनावमा निर्देशक नरेश पौडेललाई २ मतको झिनो अन्तरले हराउदै पाठक अध्यक्ष पदमा बिजयी भएका हुन् । उनका प्रतिद्वन्दी नरेश पौडेलले ३४ मत प्राप्त गरे । अध्यक्ष पदका लागि २७ भदौमा भएको निर्वाचनमा नरेश र अर्का उम्मेदवार केपी पाठकले बराबर ३५-३५ प्राप्त गरेका थिए । जसका कारण अध्यक्ष पदका लागि निर्वाचन समितिले आज कार्तिक ६ गतेको लागि पुनः निर्वाचन गर्ने घोषणा गरेको थियो ।
